എടപ്പാള്‍: കുറ്റിപ്പുറം ബസ് സ്റ്റാന്‍ഡിലെത്തുന്ന യാത്രക്കാര്‍ക്ക് ദാഹമകറ്റാന്‍ സംവിധാനമൊരുക്കി ഒരുകൂട്ടം ഓട്ടോറിക്ഷാ ഡ്രൈവര്‍മാര്‍ മാതൃകയായി. ബസ് സ്റ്റാന്‍ഡിന് സമീപത്തായി പ്രത്യേകം മണ്‍കൂജ സ്ഥാപിച്ചാണ് വെള്ളം വിതരണത്തിന് സംവിധാനമൊരുക്കിയിട്ടുള്ളത്. ഓട്ടോകൂട്ടം പ്രവര്‍ത്തകരായ സി.എം മുസ്തഫ, വിനു, നിഖില്‍, അക്ബര്‍ എന്നിവരുടെ നേതൃത്വത്തിലാണ് വെള്ളം നിറച്ച കൂജ സ്ഥാപിച്ചത്. വെള്ളം കഴിയുന്നതിനുസരിച്ച് ശുദ്ധമായ വെള്ളം നിറയ്ക്കും. സ്‌കൂള്‍ വിദ്യാര്‍ഥിനിയുടെ ചികിത്സയ്ക്ക് പണം കണ്ടെണ്ടത്താനായി കാരുണ്യവഴിയിലൂടെ ഓട്ടോയോടിച്ചും ഈ ഡ്രൈവര്‍മാര്‍ മാതൃകയായിരുന്നു.