വേങ്ങര: ഒതുക്കുങ്ങല്‍ പ്രാഥമികാരോഗ്യ കേന്ദ്രത്തിലെ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ റഷീദിനെ ആക്രമിച്ചതില്‍ തിരൂരങ്ങാടി മേഖലാ എന്‍.ജി.ഒ അസോസിയേഷന്‍ പ്രതിഷേധിച്ചു.  ജലജന്യരോഗങ്ങള്‍ പടര്‍ന്ന് പിടിക്കുന്ന സാഹചര്യത്തില്‍ വെള്ളം വില്‍പ്പന നടത്തുതിന് ജലപരിശോധന നടത്തണം എന്ന് ആവശ്യപ്പെട്ടതിനാണ് വില്‍പ്പനക്കാരനും സഹോദരങ്ങളും ചേര്‍ന്ന് റഷീദിനെ അക്രമിച്ചത്.
ഓദ്യോഗിക കൃത്യനിര്‍വഹണം തടസപ്പെടുത്തിയതിന് ഇവര്‍ക്കെതിരേ കോട്ടക്കല്‍ പൊലിസ് കേസെടുത്തിട്ടുണ്ട്. ജില്ലാപ്രസിഡന്റ് വി.പി ദിനേശ് ഉദ്ഘാടനം ചെയ്തു. എം ചന്ദ്രന്‍ അധ്യക്ഷനായി. പി ജ്യോതി പ്രസാദ്, ലൈജു ഇഗ്‌നേഷ്യസ്, മോളി ശേഖര്‍ എന്നിവര്‍ സംസാരിച്ചു.