വേങ്ങര: ടൗണിലെ സ്വകാര്യ സ്ഥാപനത്തിനു ബോര്‍ഡ് സ്ഥാപിക്കുന്നതിനിടെ ഉയരത്തില്‍ നിന്നു വീണ് യുവാവിന് പരുക്കേറ്റു. ഊരകം പൂത്തൊടി രവീന്ദ്രന്റെ മകന്‍ പ്രഭാതി(18)നാണ് പരുക്കേറ്റത്.
ബോര്‍ഡ് സ്ഥാപിക്കുന്നതിനോട് ചേര്‍ന്നുളള വൈദ്യുതി ലൈനില്‍ നിന്ന് ഷോക്കേറ്റാണ് യുവാവ് 13 അടി താഴ്ചയിലേക്ക് വീണതെന്ന് സമീപത്തെ വ്യാപാരികള്‍ പറയുന്നു. വീഴ്ചയില്‍ തലക്കു സാരമായ പരുക്ക് പറ്റിയ യുവാവിനെ  വേങ്ങര സ്വകാര്യ ആശുപത്രിയിലും ശേഷം കോട്ടക്കലിലെ സ്വകാര്യ ആശുപത്രിയിലും പ്രവേശിപ്പിച്ചു.