ഇരിട്ടി: ക്വാറി ഉത്പന്നങ്ങളുടെ വില വര്‍ധനവില്‍ പ്രതിഷേധിച്ച് ടിപ്പര്‍ എര്‍ത്ത് മൂവേര്‍ഴ്‌സ് സമിതിയും സംയുക്ത ടിപ്പര്‍ തൊഴിലാളി യൂനിയനും നടത്തിവരുന്ന ഉപരോധ സമരം മൂന്നാം ദിവസത്തിലേക്കു കടന്നു.
ഇന്നലെ വന്‍കിട ടിപ്പര്‍ വാഹനങ്ങളും ചെറുകിട വാഹനങ്ങളും സമരക്കാര്‍ തടഞ്ഞു. ക്രഷര്‍ ഉത്പന്നങ്ങള്‍ ലഭിക്കാതായതോടെ മേഖലയിലെ നിര്‍മാണ പ്രവൃത്തികള്‍ സ്തംഭനത്തിലേക്ക് നീങ്ങുകയാണ്.
അതേസമയം ക്രഷര്‍ ഉടമകള്‍ ഇന്ന് ചര്‍ച്ചക്ക് വിളിച്ചതായി  സമര സമിതി നേതാക്കള്‍ അറിയിച്ചു.