മട്ടന്നൂര്‍: എടയന്നൂര്‍ തെരൂര്‍ മാപ്പിള എല്‍.പി സ്‌കൂള്‍ 77ാം വാര്‍ഷികാഘോഷം ഇ.പി ജയരാജന്‍ എം.എല്‍.എ ഉദ്ഘാടനം ചെയ്തു. പി.ടി.എ പ്രസിഡന്റ് പി.കെ അബ്ദുല്‍ലത്തീഫ് അധ്യക്ഷനായി. സ്‌കൂള്‍ എച്ച്.എം കെ.പത്മാവതി വാര്‍ഷിക റിപ്പോര്‍ട്ട് അവതരിപ്പിച്ചു. ജീവകാരുണ്യ പ്രവര്‍ത്തകന്‍ മണിയപ്പള്ളി അബൂട്ടി ഹാജി വിശിഷ്ടാതിഥിയായി. പഞ്ചായത്ത് പ്രസിഡന്റ് എം രാജന്‍ ഉപഹാര സമര്‍പ്പണം നടത്തി. ഉപജില്ലാ കലോത്സവ വിജയികള്‍ക്ക് വാര്‍ഡ് അംഗം എന്‍.കെ അനിതയും കായിക വിനോദ മത്സരത്തില്‍ വിജയികളായവര്‍ക്കു പഞ്ചായത്ത് അംഗം സി ജസീലയും എഡ്യൂക്യാംപ് സ്‌കോളര്‍ഷിപ്പ് വിജയികള്‍ക്ക് ടി.പി മുഹമ്മദും ഉപഹാരങ്ങള്‍ നല്‍കി. കെ അബ്ദുറഹിമാന്‍, പി.കെ അബ്ദുല്‍ അസീസ്, കെ.പി നസീര്‍, വി.കെ കലന്തന്‍ ഹാജി, പി.വി സഹീര്‍, സി.പി തങ്കമണി, സി.പി സലീത്ത്, കെ മുഹമ്മദ് ഫായിസ്, ഷബീര്‍ എടയന്നൂര്‍ സംസാരിച്ചു.