താമരശേരി: നവകേരള മിഷന്‍ ഹരിതകേരളം പദ്ധതിയുടെ ഭാഗമായി പ്ലാസ്റ്റിക് കവറുകളുടെ ഉപയോഗം കുറക്കുന്നതിന് പുതുപ്പാടി പഞ്ചായത്തിലെ ഈങ്ങാപ്പുഴ വാര്‍ഡില്‍ തുണി സഞ്ചികള്‍ വിതരണം ചെയ്തു.
വാര്‍ഡുതല ശുചിത്വ ഫണ്ട്ണ്ടഉപയോഗപ്പെടുത്തി വാര്‍ഡിലെ മുഴുവന്‍ കുടുംബങ്ങള്‍ക്കും ശുചിത്വസന്ദേശം അടങ്ങിയ തുണി സഞ്ചികളാണ് വിതരണം ചെയ്തത്.
വാര്‍ഡ് മെമ്പര്‍ റീന ബഷീര്‍ വികസന സമിതി ചെയര്‍മാന്‍ എം.എ മുഹമ്മദിന് തുണിസഞ്ചി നല്‍കി ഉദ്ഘാടനം ചെയ്തു. സ്റ്റാന്‍ഡിങ് കമ്മിറ്റി ചെയര്‍മാന്‍ എം.ഇ ജലീല്‍ ഡോ.വേണുഗോപാല്‍, സി.ടി വര്‍ഗീസ്, ബി. മൊയ്തീന്‍കുട്ടി, എച്ച്.ഐ ബഷീര്‍, ടി.പി മുഹമ്മദ്, കുഞ്ഞുമോന്‍ വെള്ളക്കോട്ട് സംസാരിച്ചു.