കുറ്റിപ്പുറം: ഗ്രാമപഞ്ചായത്തില്‍ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തി തരിശുഭൂമിയില്‍ ഇറക്കിയ പച്ചക്കറി കൃഷിയുടെ വിളവെടുപ്പ് നടത്തി.ചെല്ലൂരിലെ മൂന്ന് ഏക്കര്‍ സ്ഥലത്ത് പച്ചക്കറി കൃഷി ഇറക്കിയിരുന്നത്.
വിളവെടുപ്പ് ഉദ്ഘാടനം ഷമീല ടീച്ചര്‍ നിര്‍വ്വഹിച്ചു. ചിരങ്ങ, പടവലം, പയര്‍, കുമ്പളം, കൈപ്പ, വെണ്ടയ്ക്ക തുടങ്ങിയ പച്ചക്കറികള്‍ വിളവെടുത്തു. പഞ്ചായത്ത് മെമ്പര്‍ പരപ്പാര സിദ്ധീഖ്, കൃഷി ഓഫീസര്‍ പുരുഷോത്തമന്‍, ഷാഫി, മുഹമ്മദലി, ഷര്‍ഫുദ്ദീന്‍, പ്രവീകുമാര്‍, സി.ഡി.എസ് ബിന്ദു, ജലീല്‍, ബീരാന്‍കുട്ടി എന്നിവര്‍ സംബന്ധിച്ചു.