കൊട്ടാരക്കര: എക്‌സൈസ് സര്‍ക്കിള്‍ സംഘം നെടുവത്തൂര്‍, ആനക്കോട്ടുര്‍, പുത്തുര്‍ മേഖലകളില്‍ നടത്തിയ പരിശോധനയില്‍ നിരോധിക പുകയില ഉല്‍പ്പന്നങ്ങളുമായി ഇതര സംസ്ഥാനക്കാരന്‍ പിടിയിലായി.
ബീഹാര്‍ ആഞ്ജല്‍ സീതാ മര്‍ഹി ജില്ലയില്‍ ചെറോട്ട ദേശത്ത് വീട് നമ്പര്‍ 103 ല്‍ മുഹമ്മദ് ഷായാ(40)ണ് പിടിയിലായത്. പുകയില ഉല്‍പ്പന്നങ്ങള്‍ ഉപയോഗിക്കുന്ന ആളുകളില്‍ നിന്നും എക്‌സൈസിന് കിട്ടിയ രഹസ്യ വിവരത്തിന്റെ അടിസ്ഥാനത്തിലാണ് അറസ്റ്റ്. ഇയാള്‍ പുത്തൂരിലെ താല്‍ക്കാലിക കടയിലാണ് പുകയില ഉല്‍പ്പന്നങ്ങള്‍ വില്‍പ്പന നടത്തി വന്നിരുന്നത്.
50 രൂപ മുതല്‍ 75 രൂപ വരെ വിലയിലായിരുന്നു ഉല്‍പ്പന്നങ്ങളുടെ വില്‍പ്പന. വന്‍തോതില്‍ ഇത്തരം ഉല്‍പ്പന്നങ്ങള്‍ ചില്ലറ വില്‍പ്പനക്കാര്‍ക്ക് എത്തിക്കുന്ന ആളെക്കുറിച്ച് എക്‌സൈസിന് വിവരം ലഭിച്ചിട്ടുണ്ട്. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ആര്‍ ബാബുവിനൊപ്പം എക്‌സൈസ് ഇന്‍സ്‌പെക്ടര്‍ മോഹനന്‍, പ്രിവന്റീവ് ഓഫീസര്‍മാരായ ബാബു സേനന്‍, പ്രേംനസീര്‍ ,സിവില്‍ എക്‌സൈസ് ഓഫീസര്‍മാരായ ബാബു, ബി എസ് സജി ജോണ്‍, അനീഷ് ടി എസ്, സുജിത്ത്, ബാബുരാജ് എന്നിവരും ഉണ്ടായിരുന്നു