കാസര്‍കോട്: കലക്ടര്‍ കെ. ജീവന്‍ബാബു നടത്തിയ ജനസമ്പര്‍ക്ക പരിപാടി 'സമക്ഷം 2017'നോടനുബന്ധിച്ച് കറന്‍സിരഹിത ഇടപാടുകളുടെ പ്രചാരണവുമായി ബന്ധപ്പെട്ട് കലക്ടറേറ്റില്‍ ഡിജിധന്‍ മേള സംഘടിപ്പിച്ചു. കറന്‍സിരഹിത ഇടപാടുകള്‍ക്കായി സര്‍ക്കാര്‍ ആരംഭിച്ച ലളിതമായ വഴികള്‍ ജനങ്ങളിലെത്തിക്കുന്നതിനാണ് മേള സംഘടിപ്പിച്ചത്.
മേളയില്‍ ഐ.ടി മിഷന്‍, അക്ഷയ (ആധാര്‍, ബാങ്കിങ് കിയോസ്‌ക്, മറ്റു അക്ഷയ സേവനങ്ങള്‍), എന്‍.ഐ.സി, ഇന്ത്യന്‍ ഓയില്‍ കോര്‍പറേഷന്‍, ബി.എസ്.എന്‍.എല്‍, ബാങ്കുകള്‍ (എസ്.ബി.ഐ, എസ്.ബി.ടി, കെ.ജി.ബി, സിന്‍ഡിക്കേറ്റ് ബാങ്ക്), ശുചിത്വ മിഷന്‍, ജിയോ തുടങ്ങിയ കൗണ്ടറുകളുണ്ടായിരുന്നു. ബി.എസ്.എന്‍.എല്‍ ത്രീജി സിം കാര്‍ഡുകള്‍ വിതരണം ചെയ്തു. ഇന്ത്യന്‍ ഓയില്‍ കോര്‍പറേഷന്‍ പെട്രോകാര്‍ഡ് നല്‍കി.
കൗണ്ടറുകളുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ നിര്‍വഹിച്ചു.