ബംഗളുരു: ബംഗളുരുവില്‍ ബി.ജെ.പി നേതാവിനെ അജ്ഞാതസംഘം വെട്ടികൊലപ്പെടുത്തി. അനൈക്കല്‍ ജില്ലയിലെ കൗണ്‍സിലറും ദലിത് നേതാവുമായ ശ്രീനിവാസ് പ്രസാദാണ് കൊല്ലപ്പെട്ടത്.

ഇന്ന് പുലര്‍ച്ചെ 5 മണിയോടെയാണ് ശ്രീനിവാസനെ കൊല്ലപ്പെട്ട നിലയില്‍ കണ്ടെത്തിയതെന്ന് ബംഗലുരുവിലെ റൂറല്‍ പൊലിസ് സൂപ്രണ്ട് വിനീത് സിംഗ് പറഞ്ഞു. മാരകയുധങ്ങള്‍ കൊണ്ട് മുറിവേറ്റാണ് ശ്രീനിവാസ് പ്രസാദ് കൊല്ലപ്പെട്ടതെന്നും അദ്ദേഹം പറഞ്ഞു.

കഴിഞ്ഞ ഒക്ടോബറിലും ഇവിടെ ഒരു ആര്‍എസ്എസ് പ്രവര്‍ത്തകന്‍ വെട്ടേറ്റു മരിച്ചിരുന്നു. രണ്ടു കൊലപാതകങ്ങളും രാഷ്ട്രീയ പ്രേരിതമാണെന്ന് ആരോപിച്ച് ബിജെപിആര്‍എസ്എസ് പ്രവര്‍ത്തകര്‍ പ്രതിഷേധവുമായി രംഗത്തെത്തയിട്ടുണ്ട്.