ചേര്‍ത്തല: വീടുകയറി വയോധികയെ വെട്ടി പരുക്കേല്‍പ്പിച്ചതായി പരാതി.
ചേര്‍ത്തല നഗരസഭ 21-ാം വാര്‍ഡില്‍ പി. എസ്. കവലയ്ക്ക് സമീപം അറയ്ക്കപ്പറമ്പില്‍ പരേതനായ പരമേശ്വരന്റെ ഭാര്യ പെണ്ണമ്മ(68) ആണ് ആക്രമണത്തിനിരയായത്. തിങ്കളാഴ്ച രാത്രി പത്തരയോടെ വീടിന്റെ വാതിലില്‍ മുട്ടിവിളിക്കുന്ന ശബ്ദംകേട്ട് വാതില്‍ തുറന്ന പെണ്ണമ്മയെ വെട്ടിയ ശേഷം അക്രമി ഓടി മറയുകയായിരുന്നെന്നാണ് പരാതി.
ഇടതുകൈയിലെ മൂന്ന് വിരലുകള്‍ക്ക് മുറിവേറ്റ പെണ്ണമ്മയെ താലൂക്ക് ആശുപത്രിയിലും തുടര്‍ന്ന് വണ്ടാനം മെഡിക്കല്‍ കോളജ് ആശുപത്രിയിലും എത്തിച്ച് ചികിത്സ നല്‍കി.
ഇവരുടെ മകന്‍ സുരേഷിനെ (വിന്‍സെന്റ്) വകവരുത്തുമെന്ന് ഫോണില്‍ ഭീഷണി ഉണ്ടായിരുന്നെന്നും സുരേഷിനെ തേടിയെത്തിയവരാണ് അക്രമത്തിന് പിന്നിലെന്നു ഇവര്‍ പരാതിപ്പെട്ടു.