പയ്യന്നൂര്‍: വാഹനാപകടത്തില്‍ കാല്‍നട യാത്രക്കാരി മരിക്കാനിടയായ സംഭവത്തില്‍ ഡ്രൈവര്‍ അറസ്റ്റില്‍. എട്ടിക്കുളം മൊട്ടക്കുന്നിലെ ടി.പി. വിജിലിനെ(20)യാണ് എസ്.ഐ കെ.പി ഷൈന്‍ അറസ്റ്റ് ചെയ്തത്. കഴിഞ്ഞദിവസം വൈകുന്നേരം മൂന്നോടെയാണ് കുന്നരു കാരന്താട്ട്  കാല്‍നട യാത്രക്കാരിയായ കാരന്താട് പാറോക്കാവിന് സമീപം താമസിക്കുന്ന തോട്ടോന്‍വീട്ടില്‍ ലളിത(50)യെ കെ.എല്‍ 13 പി 2654 നമ്പര്‍ ഗുഡ്‌സ് ഓട്ടോറിക്ഷ ഇടിച്ച് തെറിപ്പിച്ചത്. അപകടത്തില്‍ ഗുരുതരമായി പരുക്കേറ്റ ലളിതയെ ആശുപത്രിയില്‍ എത്തിക്കുമ്പോഴേക്കും മരിച്ചിരുന്നു.