പൂച്ചാക്കല്‍: കുളിമുറിയില്‍ നിന്നും യുവതിയുടെ നഗ്‌ന ദൃശ്യം ഒളികാമറയില്‍ പകര്‍ത്തിയ ബി.ജെ.പി നേതാവ് അറസ്റ്റില്‍. ബി.ജെ.പി പെരുമ്പളം പഞ്ചായത്ത് പ്രസിഡന്റും അരൂര്‍ മണ്ഡലം കാര്യവാഹകുമായ എട്ടാം വാര്‍ഡ് തുലാപ്പഴത്ത് വീട്ടില്‍ അജയന്‍ (44) ആണ് അറസ്റ്റിലായത്.
കഴിഞ്ഞ തെരഞ്ഞെടുപ്പില്‍ തൈക്കാട്ടുശ്ശേരി ബ്ലോക്ക് പഞ്ചായത്ത് പെരുമ്പളം ഡിവിഷനിലെ സ്ഥാനാര്‍ഥിയായിരുന്നു.കഴിഞ്ഞ ദിവസം സമീപവാസിയായ യുവതി രാത്രി കുളിക്കുന്നതിനിടെ കുളിമുറിയുടെ വെന്റിലേഷനിലൂടെയാണ് ഒളികാമറ വച്ച് ദൃശ്യം പകര്‍ത്തിയത്.
അന്ന് തന്നെ യുവതി പൂച്ചാക്കല്‍ പൊലിസില്‍ പരാതി നല്‍കിയിരുന്നു. തുടര്‍ന്ന് നടത്തിയ അന്വേഷണത്തിനൊടുവിലാണ് ഇന്നലെ ഉച്ചയോടെ പൂച്ചാക്കല്‍ പൊലിസ് ഒളിസങ്കേതത്തില്‍ നിന്നും അജയനെ അറസ്റ്റ് ചെയ്തത്.