പൂച്ചാക്കല്‍: ബി.പി.എല്‍. കുടുംബങ്ങള്‍ക്ക് മുട്ടക്കോഴികളെ വിതരണം ചെയ്തതില്‍ അപാകത. പാണാവള്ളി ഗ്രാമപഞ്ചത്തിലെ ഗുണഭോക്തൃ ലിസ്റ്റിലുള്ള ബി.പി.എല്‍ കുടുംബങ്ങള്‍ക്കാണ് മുട്ടക്കൊഴികളെ വിതരണം ചെയ്തത്.
മൃഗാശുപത്രി അധികൃതര്‍ വഴി ബുധനാഴ്ച പഞ്ചായത്ത് കമ്യുണിറ്റി ഹാളിലായിരുന്ന വിതരണം നടത്തിയത്. വിതരണം സംബന്ധിച്ച് ഗുണഭോക്താക്കളെ മുന്‍ കൂട്ടി വിവരം അറിയിച്ചില്ലെന്ന പരാതിയുണ്ട്. ഗുണഭോക്തൃ വിഹിതവും ബിപിഎല്‍ സര്‍ട്ടിഫിക്കറ്റുകളുമായി നിരവധി പേര്‍ എത്തിയെങ്കിലും മുട്ടക്കോഴി ലഭിക്കാതെ മടങ്ങുകയായിരുന്നു. ബി.പി.എല്‍ സര്‍ഫിക്കറ്റ് സാക്ഷ്യപ്പെടത്തി ഗുണഭോക്തൃവിഹിതം അടക്കേണ്ട അവസാന ദിവസം ചൊവ്വാഴ്ചയായിരുന്നു.ഇത് പാണാവള്ളി മൃഗാശുപത്രിലാണ് നല്‍കേണ്ടിയിരുന്നത് എന്നാല്‍ ഈ വിവരമാണ് ഗുണഭോക്താക്കളെ മുന്‍കൂട്ടി അറിയിക്കാതിരുന്നത്. മുട്ടക്കോഴി വാങ്ങാന്‍ എത്തിയവരും വിതരണക്കാരും തമ്മില്‍ വാഗ്വാദം ഉണ്ടായി. പഞ്ചായത്തിലെ പതിനെട്ട് വാര്‍ഡു കളിലേക്കുമുള്ള വിതരണം ഒറ്റ ദിവസമാതിനാല്‍ കൂടുതല്‍ തിരക്ക് അനുഭവപ്പെട്ടു.