മട്ടാഞ്ചേരി: മിഷേലിന്റെ മരണത്തിന് ഉത്തരവാദികളായവരെ നിയമത്തിന് മുന്നില്‍ കൊണ്ട് വരണമെന്നും മിഷേലിന് നീതി ലഭ്യമാക്കണമെന്നും ആവശ്യപ്പെട്ട് കൊച്ചി സൗഹൃദ വേദിയുടെ നേതൃത്വത്തില്‍ മെഴുക് തിരി തെളിയിച്ച് പ്രതിഷേധ ജ്വാല സംഘടിപ്പിച്ചു. പനയപ്പിള്ളിയില്‍ നടന്ന പരിപാടി ചെയര്‍മാന്‍ പി.കെ അബ്ദുല്‍ ലത്തീഫ് ഉദ്ഘാടനം ചെയ്തു. സി.ജി വേണുഗോപാല്‍ അധ്യക്ഷത വഹിച്ചു.
കൗണ്‍സിലര്‍ ജോസ് മേരി,രാജു മാളിയേക്കല്‍, സി.ജി.രമേശ്,കെ.ബി.അഷറഫ്, റിറ്റി സെബാസ്റ്റ്യന്‍, എം.സത്യന്‍ എന്നിവര്‍ സംസാരിച്ചു. ഇന്ദു ജ്യോതിഷ്, സരിത ബോബി, ഹസീന സൈനുദ്ധീന്‍, ജാന്‍സി, സൂസി, ഷീജ, അയൂബ് സുലൈമാന്‍, സുജിത്ത് മോഹനന്‍, കെ.ബി.ജബ്ബാര്‍, ശ്രീകാന്ത് പൈ, രാം കിളിക്കാര്‍, ഷുഹൈബ് അസീസ്, ബഷീര്‍ ഇരട്ടക്കുളം, കലാമണ്ഡലം വിജയന്‍, ടി.എം.റിയാസ്, കെ.എസ്.സൈഫുദ്ധീന്‍ തുടങ്ങിയവര്‍ നേതൃത്വം നല്‍കി.