മലപ്പുറം: വൊക്കേഷനല്‍ ഹയര്‍സെക്കന്‍ഡറിയില്‍ പാര്‍ട്ട് ഒന്ന്, രണ്ട്, മൂന്ന് വിഭാഗങ്ങളിലായി 81.06 ശതമാനമാണ് ജില്ലയുടെ വിജയം. കഴിഞ്ഞ തവണ 83.86 ശതമാനമായിരുന്നു.
പാര്‍ട്ട് ഒന്ന്, രണ്ട് വിഭാഗങ്ങളില്‍ മാത്രമായി 92.99 ശതമാനം വിജയവും ജില്ലയുടെ കുട്ടികള്‍ സ്വന്തമാക്കി. 2698 കുട്ടികള്‍ വി.എച്ച്.സി.യില്‍ പരീക്ഷ എഴുതിയതില്‍ 2509 കുട്ടികള്‍ പാര്‍ട്ട് ഒന്ന്, രണ്ട് വിഭാഗങ്ങളിലും 2187 കുട്ടികള്‍ പാര്‍ട്ട് ഒന്ന്, രണ്ട്, മൂന്ന് വിഭാഗങ്ങളിലായും വിജയം കണ്ടു. ഗവ.വി.എച്ച്.എസ്.എസ് ഗേള്‍സ് പെരിന്തല്‍മണ്ണ പാര്‍ട്ട് ഒന്ന്, രണ്ട്, മൂന്ന് വിഭാഗങ്ങളിലും കൂടി നൂറു ശതമാനം സ്വന്തമാക്കി. കഴിഞ്ഞ തവണയും പെരിന്തല്‍മണ്ണക്ക് നൂറു ശതമാനം വിജയം തന്നെയായിരുന്നു. ഇവിടെ 57 കുട്ടികളാണ് പരീക്ഷ എഴുതിയത്.
പാര്‍ട്ട് ഒന്ന്, രണ്ട് വിഭാഗങ്ങളിലായി ഗവ. വിഎച്ച്എസ്എസ് ഗേള്‍സ് പെരിന്തല്‍മണ്ണ, ഗവ. വിഎച്ച്എസ്എസ് ടിഎച്ച്എസ് മഞ്ചേരി, ശ്രീ വിവേകാന്ദ വിഎച്ച്എസ്എസ് പാലേമാട് എന്നീ സ്‌കൂളുകള്‍ നൂറു ശതമാനം വിജയം നേടി.