ലണ്ടന്‍: ചെല്‍സിക്കെതിരായ എഫ്.എ കപ്പ് ക്വാര്‍ട്ടറിലെ മോശം പെരുമാറ്റത്തില്‍ മാഞ്ചസ്റ്റര്‍ യുനൈറ്റഡ് താരങ്ങള്‍ കുറ്റക്കാരെന്ന് ഇംഗ്ലീഷ് ഫുട്‌ബോള്‍ അസോസിയേഷന്‍. ക്ലബിന് താരങ്ങളുടെ മോശം പെരുമാറ്റത്തെ തടയാനായില്ലെന്ന് അസോസിയേഷന്‍ കുറ്റപ്പെടുത്തി. റഫറിയുടെ വിലയിരുത്തലിന്റെ അടിസ്ഥാനത്തില്‍ യുനൈറ്റഡിന് പിഴ ലഭിച്ചേക്കും.
മത്സരത്തില്‍ യുനൈറ്റഡിന്റെ സ്പാനിഷ് താരം ആന്ദര്‍ ഹെരേരയ്ക്ക് ചുവപ്പു കാര്‍ഡ് ലഭിച്ചിരുന്നു. തുടര്‍ന്ന് ചെല്‍സി താരം ഏദന്‍ ഹസാര്‍ദിനെ നിരന്തരം ഫൗള്‍ ചെയ്തതിന് മൈക്കല്‍ ഒലിവറിന് റഫറി താക്കീത് നല്‍കുകയും ചെയ്തിരുന്നു. മത്സരത്തില്‍ മാര്‍ക്കസ് റോജോയുടെ ഫൗളുകള്‍ കാമറയില്‍ പതിയുകയും ചെയ്തിരുന്നു. ഇത് അതിരുകടന്നതാണെന്ന് റഫറി വിലയിരുത്തിയിരുന്നു. എന്നാല്‍ താരത്തിനെതിരേ നടപടിയുണ്ടായേക്കില്ല. മാര്‍ച്ച് 17നകം ടീമിനോട് വിശദീകരണം നല്‍കാനാണ് അസോസിയേഷന്‍ ആവശ്യപ്പെട്ടത്.