ഉദയ്പൂര്‍: മാതാപിതാക്കള്‍ക്കൊപ്പം വീടിന്റെ ടെറസിനു മുകളില്‍ ഉറങ്ങാന്‍ കിടന്ന പെണ്‍കുട്ടിയ പുലി കടിച്ചു കൊന്നു. രാജസ്ഥാനിലെ ഉയദ്പൂരിലെ കെല്‍വാദ പൊലിസ് സ്റ്റേഷന്‍ പരിധിയിലെ വാദല്‍ ഗ്രാമത്തിലാണ് നാടിനെ നടുക്കിയ സംഭവം നടന്നത്. രഞ്ജിത് സിങ്ങിന്റെ മകള്‍ രവീണയെയാണ് പുലി പിടിച്ചത്.

കഴിഞ്ഞ ദിവസം രാത്രി മാതാപിതാക്കള്‍ക്കൊപ്പം വീടിന്റെ ടെറസിന് മുകളിലായിരുന്നു പന്ത്രണ്ടു വയസുള്ള രവീണ കിടന്നിരുന്നത്. അര്‍ധരാത്രിയിലാണ് കുട്ടിയെ പുലി കടിച്ചെടുത്തു കൊണ്ടുപോയത്.
കുട്ടിയെ കാണാതായതോടെ അയല്‍വാസികളേയും മറ്റും വിളിച്ചു കൂട്ടി രക്ഷിതാക്കള്‍ രാത്രിയില്‍ തന്നെ തെരച്ചില്‍ നടത്തിയപ്പോഴാണ് വീടിന്റെ പുറകിലെ ചെളിയില്‍ മൃതദേഹം കണ്ടെത്തിയത്. അംഗഭംഗം വന്ന നിലയിലായിരുന്നു മൃതദേഹം.

കുട്ടിയെ കടിച്ചെടുത്തു കൊണ്ടുപോയത് പുലിതന്നെയാണെന്ന് പ്രദേശത്ത് കണ്ടെത്തിയ കാല്‍പാടുകള്‍ പരിശോധിച്ച് വനം വകുപ്പ് അധികൃതരും പൊലിസും അറിയിച്ചു.