പേരാമ്പ്ര: കൂത്താളി പഞ്ചായത്ത് ആയുര്‍വേദ ഡിസ്‌പെന്‍സറിക്കായി താനിക്കണ്ടിയില്‍ നിര്‍മിക്കുന്ന കെട്ടിടത്തിന്റെ നിര്‍മാണോദ്ഘാടനം പഞ്ചായത്ത് പ്രസിഡന്റ് കെ.പി അസ്സന്‍കുട്ടി നിര്‍വഹിച്ചു.
രാമന്‍കുട്ടി വാരിയര്‍ സൗജന്യമായി നല്‍കിയ സ്ഥലത്താണ് തദ്ദേശമിത്രം ഫണ്ട് 48,35,000 രൂപ ഉപയോഗിച്ച് കെട്ടിടം നിര്‍മിക്കുന്നത്. വൈസ് പ്രസിഡന്റ് കെ.പി പുഷ്പ അധ്യക്ഷനായി. പഞ്ചായത്ത് അംഗങ്ങളായ ഇ.വി മധു, ഷിജു പുല്യോട്ട്, റഹ്മത്ത് മുണ്ടക്കുറ്റി, പി. രാധ, കോഡിനേറ്റര്‍ ജാനറ്റ്, കെ.എം ബാലകൃഷ്ണന്‍, മോഹന്‍ദാസ് ഓണിയില്‍, ശശി കിഴക്കന്‍ പേരാമ്പ്ര, സി.കെ കുഞ്ഞമ്മദ്, എ. ബാലചന്ദ്രന്‍, ഉമ്മര്‍ തണ്ടോറ, എന്‍.പി നാരായണന്‍, കെ. ദിനേശന്‍ പ്രസംഗിച്ചു.