വിര്‍ജീനിയ: യു.എസിലെ വെസ്റ്റ് വിര്‍ജീനിയയില്‍ വെള്ളപ്പൊക്കത്തില്‍പ്പെട്ട് 20 പേര്‍ മരിച്ചു. മരിച്ചവരില്‍ എട്ടു വയസ്സുകാരനായ ഒരു കുട്ടിയുമുണ്ട്.

ശക്തമായ കാറ്റും വെള്ളപ്പൊക്കവും വ്യാപകമായ നാശനഷ്ടമുണ്ടാക്കിയതായി ഗവര്‍ണര്‍ യേള്‍ റേ ടോംബ്ലിന്‍ പറഞ്ഞു. സ്ഥലത്തെ ഒരു കച്ചവട കേന്ദ്രത്തില്‍ അഞ്ചൂറോളം പേര്‍ കുടുങ്ങിക്കിടക്കുന്നുണ്ട്. ഇവരെ രക്ഷപ്പെടുത്താനുള്ള ശ്രമം തുടരുകയാണ്.

നൂറിലധികം വീടുകളാണ് വെള്ളപ്പൊക്കത്തില്‍ തകര്‍ന്നത്. നിരവധി വീടുകള്‍ക്കും കെട്ടിടങ്ങള്‍ക്കമുള്ള വൈദ്യുതി ബന്ധം നഷ്ടപ്പെട്ടു. രക്ഷാപ്രവര്‍ത്തനത്തിനായി 200 ദേശീയ സുരക്ഷാ ഉദ്യോഗസ്ഥര്‍ രംഗത്തിറങ്ങിയിട്ടുണ്ടെന്ന് ഗവര്‍ണര്‍ അറിയിച്ചു.