1983 ജൂണ്‍ 25 ന് കപില്‍ ദേവിന്‍റെ സംഘം ക്രിക്കറ്റ് വേള്‍ഡ്കപ്പ് ഉയര്‍ത്തിയപ്പോള്‍ പിറന്നത് ഇന്ത്യയുടെ ചരിത്രത്തിലെ ഒരു സുവര്‍ണ ദിനമാണ്. കപിലിന്റെ ചെകുത്താന്മാര്‍ വെസ്റ്റിന്റീസിനെ തറപറ്റിച്ച് ലോകകപ്പ് സ്വന്തമാക്കിയിട്ട് ഇന്നേക്ക് 33 വര്‍ഷം പൂര്‍ത്തിയാവുന്നു. ക്രിക്കറ്റ് ചരിത്രത്തില്‍ ഇന്ത്യയ്ക്കും ഒരിടമുണ്ടാക്കിയ ദിനമായിരുന്നു അന്ന്. ഇന്ത്യ ക്രിക്കറ്റ് ലോകത്തെ അതികായകന്‍മാരായി ഉയര്‍ന്നെങ്കിലും പിന്നീടൊരു ലോകകപ്പില്‍ മുത്തമിടാന്‍ 2011 വരെ കാത്തിരിക്കേണ്ടി വന്നു.

ഏകദിന ക്രിക്കറ്റിലെ മൂന്നാമത്തെ ലോകകപ്പ് മത്സരമായിരുന്നു 1983 ല്‍ ഇംഗ്ലണ്ടില്‍ വെച്ച് നടന്നത്. ഇന്ത്യയടക്കം എട്ട് രാജ്യങ്ങളാണ് ഈ ലോകകപ്പിലെ മത്സരത്തിനായിട്ടുണ്ടായിരുന്നത്.