പാലക്കാട്: കേന്ദ്ര-സംസ്ഥാന സര്‍ക്കാറും കുടുംബശ്രീ മിഷനും നെട്ടൂര്‍ ടെക്‌നിക്കല്‍ ട്രെയിനിങ് ഫൗണ്ടേഷനും (എന്‍.ടി.ടി.എഫ്) സംയുക്തമായി ദീന്‍ദയാല്‍ ഉപാധ്യായ ഗ്രാമീണ്‍ കൗശല്യ യോജന (ഡി.ഡി.യു-ജി.കെ.വൈ) പദ്ധതി പ്രകാരം പട്ടിക വര്‍ഗ വിഭാഗക്കാര്‍ക്കായി മൂന്ന്മാസത്തെ തൊഴിലധിഷ്ഠിത സര്‍ട്ടിഫിക്കറ്റ് കോഴ്‌സുകള്‍ നടത്തുന്നു. എസ്.എസ്.എല്‍.സി.പാസായ 18നും 25നും മധ്യേ പ്രായമുള്ളവര്‍ക്ക് അപേക്ഷിക്കാം. കോഴ്‌സ് വിജയകരമായി പൂര്‍ത്തിയാക്കുന്നവര്‍ക്ക് എന്‍.ടി.ടി.എഫ്  വിവിധ വ്യവസായ സ്ഥാപനങ്ങളില്‍ നിയമനത്തിനും സംവിധാനമൊരുക്കും.
താത്പര്യമുള്ളവര്‍ എസ്.എസ്.എല്‍.സി ആധാര്‍ കാര്‍ഡ്, റേഷന്‍ കാര്‍ഡ്, ജാതി സര്‍ട്ടിഫിക്കറ്റ് എന്നിവയുടെ പകര്‍പ്പും മൂന്ന് പാസ്‌പോര്‍ട്ട് സൈസ് ഫോട്ടോയും സഹിതം മാര്‍ച്ച് 21 രാവിലെ 10ന് ജില്ലാ പഞ്ചായത്ത് ഹാളില്‍ എത്തണം. അര്‍ഹത നേടുന്നവരുടെ മുഴുവന്‍ ചെലവും സര്‍ക്കാര്‍ വഹിക്കും. ഫോണ്‍: 9496295253, 8606190101.