മലപ്പുറം: മേല്‍മുറി അധികാരത്തൊടി ഗവ. മാപ്പിള യു.പി സ്‌കൂളിന്റെ വാര്‍ഷികമാഘോഷിച്ചു. വാര്‍ഷികത്തോടനുബന്ധിച്ച് വിദ്യാര്‍ഥികളുടെ വിവിധ കലാപരിപാടികള്‍ അരങ്ങേറി. ഉപജില്ലാ വിദ്യഭ്യാസ ഓഫിസറായി വിരമിക്കുന്ന സ്‌കൂളിലെ മുന്‍അധ്യപകന്‍ പി. ജയപ്രകാശിനും പാഠ്യ, പാഠ്യേതര മേഖലയില്‍ മികവ് തെളിയിച്ച വിദ്യാര്‍ഥികള്‍ക്കും ചടങ്ങില്‍ ഉപഹാരങ്ങള്‍ നല്‍കി.
ആഘോഷച്ചടങ്ങ് നഗരസഭാ ഉപാധ്യക്ഷന്‍ പെരുമ്പള്ളി സൈദ് ഉദ്ഘാടനം ചെയ്തു. പി.ടി.എ പ്രസിഡന്റ് അബ്ദുല്‍  ഹമിദ് അധ്യക്ഷനായി. അധ്യാപിക എം.എസ് സുനിത റിപ്പോര്‍ട്ട് അവതരിപ്പിച്ചു.
സ്ഥിരസമിതി അധ്യക്ഷരായ ഫസീന കുഞ്ഞിമുഹമ്മദ്, സലിം എന്ന ബാപ്പുട്ടി, പരി അബ്ദുല്‍ മജീദ്, നഗരസഭാംഗങ്ങളായ ഒ.സഹദേവന്‍, സി.കെ ജലീല്‍, കെ.കെ ഹംസ, കെ. സിദ്ദീഖ്, എ.ഇ.ഒ പി. ഹുസൈന്‍, ബി.പി.ഒ രാധാകൃഷ്ണന്‍, പ്രഥമാധ്യാപകന്‍ ടി.ജെ ജെയിംസ്, മുഹമ്മദ് കോയ മാസ്റ്റര്‍, കുഞ്ഞിമുഹമ്മദ് മാസ്റ്റര്‍, നാണത്ത് കുഞ്ഞിമുഹമ്മദ്, സമീര്‍ കപ്പൂര്‍ എന്നിവര്‍ സംസാരിച്ചു.