കല്‍പ്പറ്റ: സംസ്ഥാന സര്‍ക്കാര്‍ സ്ഥാപനമായ യുവജന ക്ഷേമബോര്‍ഡ് സമൂഹത്തിലെവിവിധ മേഖലയില്‍ മാതൃകാപരമായ പ്രവര്‍ത്തനങ്ങള്‍ കാഴ്ചവയ്ക്കുന്ന യുവജനങ്ങള്‍ക്ക് നല്‍കിവരുന്ന സ്വാമി വിവേകാനന്ദ യുവ പ്രതിഭാ പുരസ്‌കാരം പി.എം സലീം പിച്ചന്.
2015 വരെയുള്ള കാലയളവില്‍ സമൂഹിക പരിസ്ഥിതി സംരക്ഷണ പ്രവര്‍ത്തനങ്ങള്‍ മാതൃകാപരമായി സംഘടിപ്പിച്ചതിനും ഈ മേഖലയിലുള്ള മികച്ച ഇടപെടലിനുമാണ് ഈ അംഗീകാരം. അവാര്‍ഡ് തുകയായ 50001 രൂപയും ഫലകവും പ്രശസ്തിപത്രവും മുഖ്യമന്ത്രി പിണറായി വിജയനില്‍ നിന്നും തിരുവനന്തപുരം വി.ജെ.ടി ഹാളില്‍ നടന്ന ചടങ്ങില്‍ സലീം ഏറ്റുവാങ്ങി.
എം.എസ് സ്വാമിനാഥന്‍ ഗവേഷണ നിലയത്തിലെ സാങ്കേതികവിഭാഗം ജീവനക്കാരനായ സലീമിന് ഇത് സാമൂഹിക പരിസ്ഥിതി മേഖലകളില്‍ ലഭിക്കുന്ന നാലാമത്തെ അംഗീകാരമാണിത്.