കോട്ടയം: എക്‌സൈസ് വകുപ്പിന്റെ ആഭിമുഖ്യത്തില്‍ സംഘടിപ്പിക്കുന്ന അന്താരാഷ്ട്ര ലഹരി വിരുദ്ധദിനാചരണം ഇന്ന് രാവിലെ 10.30ന് കുമരകം ശ്രീകുമാരമംഗലം ഹയര്‍ സെക്കന്‍ഡറി സ്‌കൂളില്‍ സുരേഷ്‌കുറുപ്പ് എം.എല്‍.എ നിര്‍വഹിക്കും.
കലക്ടര്‍ സ്വാഗത് ഭണ്ഡാരി അധ്യക്ഷത വഹിക്കുന്ന ചടങ്ങില്‍ തിരുവഞ്ചൂര്‍ രാധാകൃഷ്ണന്‍ എം.എല്‍.എ മുഖ്യപ്രഭാഷണം നിര്‍വഹിക്കും. ലഹരി വിരുദ്ധദിനാചരണത്തിന്റെ ഭാഗമായി സംഘടിപ്പിച്ച പ്രസംഗ മത്സര വിജയികള്‍ക്ക് മുനിസിപ്പല്‍ ചെയര്‍പേഴ്‌സണ്‍ ഡോ.പി.ആര്‍ സോന സമ്മാനം വിതരണം ചെയ്യും.
കുമരകം ഗ്രാമപഞ്ചായത്ത് പ്രസിഡന്റ് എ.പി സലിമോന്‍ ലഹരി വിരുദ്ധ പ്രതിജ്ഞ ചൊല്ലി കൊടുക്കും.
സ്‌കൂള്‍ മാനേജര്‍  അഡ്വ.വി.പി അശോകന്‍ മികച്ച ലഹരി വിരുദ്ധ സന്നദ്ധ സംഘടനയ്ക്കും പ്രവര്‍ത്തകര്‍ക്കുമുളള അവാര്‍ഡ് വിതരണം ചെയ്യും. ഇതിനോടനുബന്ധിച്ച് രാവിലെ 9.30ന് ലഹരി വിരുദ്ധ സന്ദേശ റാലി, പോസ്റ്റര്‍ പ്രദര്‍ശനം, മാജിക് ഷോ എന്നിവ നടക്കും.
ഗ്രാമ പഞ്ചായത്തംഗം വി.എസ് പ്രദീപ് കുമാര്‍, മുനിസിപ്പല്‍ കൗണ്‍സിലര്‍ സാബു പുളിമൂട്ടില്‍, നാര്‍കോട്ടിക് സെല്‍ ഡിവൈ.എസ്.പി മുഹമ്മദ് കബീര്‍ റാവുത്തര്‍, കുമരകം സബ് ഇന്‍സ്‌പെക്ടര്‍ ആര്‍ രാജീവ്, സ്‌കൂള്‍ പ്രിന്‍സിപ്പാള്‍ എം.എന്‍ അനില്‍കുമാര്‍, റ്റി.ഒ സജീവ്, പി.യു ജോസ് തുടങ്ങിയവര്‍ നേതൃത്വം നല്‍കും.
ഡെപ്യൂട്ടി എക്‌സൈസ് കമ്മിഷണര്‍ സുരേഷ് റിച്ചാര്‍ഡ് സ്വാഗതവും ഹെഡ്മിസ്ട്രസ് സുജമോള്‍ നന്ദിയും പറയും.