കൊളത്തൂര്‍: രാത്രിയുടെമറവില്‍ പൊരുന്നംപറമ്പില്‍ സ്വകാര്യ വ്യക്തിയുടെ സ്ഥലത്ത് കോഴിമാലിന്യം തള്ളിയവരെ നാട്ടുകാര്‍ ചേര്‍ന്ന് പിടികൂടി. കുറുവ കരിഞ്ചാപ്പാടി പൊരുന്നംപറമ്പില്‍ ഇന്നലെ പുലര്‍ച്ചെ രണ്ട@രയോടെയാണ് സംഭവം. മാലിന്യം നിറച്ച വാഹനം ഉടമയുടെ വീട്ടിലെത്തിച്ച് നാട്ടുകാര്‍ പ്രതിഷേധിച്ചു.
പ്രദേശത്ത് മാലിന്യം തള്ളല്‍ പതിവായതോടെയാണ് നാട്ടുകാര്‍ ഉറക്കമൊഴിച്ച് കാവലിരിക്കാന്‍ തീരുമാനിച്ചത്. മാലിന്യം തള്ളാനെത്തിയ സംഘത്തെ നാട്ടുകാര്‍ പിടികൂടി. മാലിന്യ വാഹനത്തിന് സുരക്ഷക്കായി വന്ന കാര്‍ രോഷാകുലരായ നാട്ടുകാര്‍ തല്ലിത്തകര്‍ത്തു. മാലിന്യം കൊ@ണ്ടുവന്ന പടപ്പറമ്പ് ചുള്ളിക്കോട് സ്വദേശി ഉനൈസിന്റെ ലോറി നാട്ടുകാര്‍ വീട്ടുമുറ്റത്ത് കൊ@ണ്ടിട്ടു.
ചട്ടിപ്പറമ്പ് സ്വദേശി ഫൈസല്‍, കൂട്ടിലങ്ങാടി സ്വദേശി ജസീം മുഹമ്മദ്, ഈസ്റ്റ് കോഡൂര്‍ സ്വദേശി അനൂഫ് എന്നിവരെയാണ് നാട്ടുകാര്‍ പൊലിസിലേല്‍പ്പിച്ചത്. വാഹന ഉടമ ഉനൈസ് ഓടി രക്ഷപ്പെട്ടു. ഉടമയുടെ വീട്ടുമുറ്റത്തെത്തിച്ച വാഹനത്തില്‍ നിന്നുള്ള ദുര്‍ഗന്ധത്താല്‍ വീട്ടിലുള്ളവര്‍ തല്‍ക്ഷണം സ്ഥലം വിട്ടു. പൊതു സ്ഥലത്ത് മാലിന്യം തള്ളിയതുമായി ബന്ധപ്പെട്ട് ആറു പേര്‍ക്കെതിരെ പൊലിസ് കേസെടുത്തിട്ടുണ്ട്.