ചെന്നൈ: കാര്‍റേസിങിലെ യുവതാരം അശ്വിന്‍ സുന്ദറും(27) ഭാര്യ നിവേദിതയും വാഹനാപകടത്തില്‍ മരിച്ചു. ഇന്നലെ പുലര്‍ച്ചെ ചെന്നൈയില്‍ അവര്‍ സഞ്ചരിച്ച ബി.എം ഡബ്ല്യു കാര്‍ നിയന്ത്രണം വിട്ട് റോഡരികിലെ മരത്തില്‍ ഇടിച്ച് തീപിടിക്കുകയായിരുന്നു. കാറിന്റെ വാതിലുകള്‍ തുറക്കാന്‍ സാധിക്കാതെ അശ്വിനും ഭാര്യയും ഉള്ളില്‍ അകപ്പെട്ട് മരിക്കുകയായിരുന്നു.
അശ്വിനാണ് കാര്‍ ഓടിച്ചിരുന്നത്. ഭാര്യ നിവേദിത ചെന്നൈയില്‍ സ്വകാര്യ ആശുപത്രിയിലെ ഡോക്ടറാണ്. സുഹൃത്തിന്റെ വീട്ടില്‍ നിന്ന് മടങ്ങും വഴിയായിരുന്നു അപകടം.