കൊടുവള്ളി: ഫാസിസത്തിനെതിരേ മുസ്‌ലിം ഐക്യം കാലഘട്ടത്തിന്റെ ആവശ്യകതയാണെന്ന് പോപുലര്‍ ഫ്രണ്ട് സംസ്ഥാന പ്രസിഡന്റ് നസ്‌റുദ്ധീന്‍ എളമരം പറഞ്ഞു. കൊടുവള്ളിയില്‍ നടന്ന ജില്ലാ ലീഡേഴ്‌സ് മീറ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് കെ.കെ കബീര്‍ അധ്യക്ഷനായി. സംസ്ഥാന സമിതിയംഗം സി.എ റഊഫ്, ജില്ലാ സെക്രട്ടറി പി. നിസാര്‍ അഹമ്മദ്, എസ്.ഡി.പി.ഐ ജില്ലാ പ്രസിഡന്റ് മുസ്തഫാ കൊമ്മേരി, ജില്ലാ കമ്മിറ്റിയംഗം അഡ്വ എം.എം റഫീഖ്, ബഷീര്‍ ടി, സജീര്‍ മാത്തോട്ടം,ഫാഈസ് മുഹമ്മദ്, ഇഖ്ബാല്‍ നരിക്കുനി സംസാരിച്ചു.