പട്ടിമറ്റം: നാല് വയസുള്ള നഴ്‌സറി പെണ്‍കുട്ടിയെ പീഡിപ്പിച്ച യുവാവിനെ കുന്നത്തുനാട് പൊലിസ് അറസ്റ്റ് ചെയ്തു. കാരോളി വിട്ടില്‍ കുമ്മനോട് നാലു സെന്റ് കോളനിയിലെ അബ്ദുല്‍മജീദ് (40) നെയാണ് നാട്ടുകാരുടെ സഹായത്തോടെ പൊലിസ് പിടികൂടിയത്. ശനിയാഴ്ച വൈകിട്ടാണ് കുട്ടിയെ പീഡനത്തിന് ഇരയാക്കിയത്. വേദന അനുഭവപ്പെട്ടതിനെ തുടര്‍ന്ന് കുട്ടി മാതാപിതാക്കളോട് വിവരം പറഞ്ഞതിനെ തുടര്‍ന്ന് മാതാവ് അപ്പോള്‍ തന്നെ സമീപവാസികളെ അറിയിക്കുകയായിരുന്നു. ഇതിനിടെ വീട്ടില്‍ നിന്ന് ഓടിയ പ്രതിയെ നാട്ടുകാര്‍ ഒന്നടങ്കം പിന്തുടരുകയും അന്വേഷണത്തിനൊടുവില്‍ രാത്രി എട്ടരയോടെ അടുത്തുള്ള ജാതി തോട്ടത്തില്‍ നിന്ന് പിടികൂടുകയുമായിരുന്നു.