കോഴിക്കോട്: സമൂഹത്തിനു സാംസ്‌കാരിക ബോധം നഷ്ടമാവുകയാണെന്നു സാഹിത്യകാരനും വയലാര്‍ അവാര്‍ഡ് ജേതാവുമായ യു.കെ കുമാരന്‍. കേരളാ സ്റ്റേറ്റ് സര്‍വിസ് പെന്‍ഷനേഴ്‌സ് യൂനിയന്‍ ജില്ലാ കമ്മിറ്റിയുടെ രജതജൂബിലി സമ്മേളന സാംസ്‌കാരിക സംഗമം ടൗണ്‍ഹാളില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സാംസ്‌കാരിക ബോധം നഷ്ടപ്പെടുന്ന തലമുറ അടുത്ത തലമുറയ്ക്ക് എന്താണു കൈമാറുകയെന്നതാണ് ഇപ്പോഴത്തെ ആശങ്ക. വീട്ടുകാരും അയല്‍ക്കാരും സര്‍വരും പ്രതിയാകുന്ന കാലമാണ് മുന്നില്‍. നിരവധി മൂല്യങ്ങള്‍ ഉണ്ടായിരുന്ന ഇന്ത്യ മൂല്യച്യുതിയിലാണ് ഇപ്പോള്‍ മുന്നിലെന്നും അദ്ദേഹം പറഞ്ഞു.
എം.പി അസൈന്‍ മാസ്റ്റര്‍ അധ്യക്ഷനായി.