കൊയിലാണ്ടി: സഹോദരിയോടൊപ്പം താമസിച്ചു വരികയായിരുന്ന യുവതിയെയും രണ്ട് മക്കളെയും കാണാതായി. പൂക്കാട് ഗള്‍ഫ് റോഡില്‍ റഹ്മത്ത് മന്‍സില്‍ സക്കീന (30) മക്കള്‍ സന (8),റിനു (5), എന്നിവരെയാണ് കഴിഞ്ഞ നാലുമുതല്‍ കാണാതായത്. കാസര്‍കോട് സ്വദേശിനിയായ സക്കീന ഗുണ്ടല്‍പേട്ട സ്വദേശിയായ ഭര്‍ത്താവ് ഇമ്രാനുമായി ബന്ധം വേര്‍പിരിഞ്ഞിരുന്നു. ഗുണ്ടല്‍പേട്ടയിലേക്ക് പോകുകയാണെന്ന് പറഞ്ഞ് കുട്ടികളോടൊപ്പമാണ് ഇവര്‍ വീട് വിട്ടിറങ്ങിയത്. കോഴിക്കോട് സ്വകാര്യ സ്ഥാപനത്തില്‍ ഒരുമിച്ചു ജോലി ചെയ്ത് വന്നിരുന്ന ഷിഹാബുദ്ദീനുമൊന്നിച്ചാണ് സ്ത്രീ വീട് വീട്ടിറങ്ങിയതെന്ന് പൊലിസിന് വിവരം ലഭിച്ചിട്ടുണ്ട്.
പൊലിസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. ഇവരെക്കുറിച്ച് വിവരം ലഭിക്കുന്നവര്‍ 949798078, 949798793 നമ്പറില്‍ ബന്ധപ്പെടണമെന്ന് കൊയിലാണ്ടി പൊലിസ് അറിയിച്ചു.