ഗൂഡല്ലൂര്‍: മുതുമല വന്യജീവി സങ്കേതത്തില്‍ ആനക്കുട്ടിയെ ചരിഞ്ഞ നിലയില്‍ കണ്ടെത്തി. കടുവാ സങ്കേതത്തിലെ പൊക്കാപുരം വനത്തിലാണ് അഞ്ചുവയസ് പ്രായമുള്ള ആനക്കുട്ടിയെ കണ്ടെത്തിയത്.
റെയിഞ്ചര്‍ സെല്‍വരാജിന്റെ നേതൃത്വത്തില്‍ വനംവകുപ്പു ഉദ്യോഗസ്ഥര്‍ സ്ഥലത്തെത്തി പരിശോധന നടത്തി. വെറ്ററിനറി ഡോകടര്‍മാരായ അമുതാ, വിജയരാഘവന്‍ എന്നിവരുടെ നേതൃത്വത്തില്‍ പോസ്റ്റ്‌മോര്‍ട്ടം നടത്തിയ ജഡം വനത്തിന്റെ വിവിധ ഭാഗങ്ങളില്‍ നിക്ഷേപിച്ചു.
കുടലില്‍ പുണ്ണും, ഹൃദയത്തിന് വീക്കവും ഉള്ളതിനാല്‍ വെള്ളവും ഭക്ഷണവും കഴിക്കാനാവാതെ അവശ നിലയിലായതാണ് ആനക്കുട്ടി ചരിയാന്‍ കാരണമെന്ന് ഡോക്ടര്‍മാര്‍ പറഞ്ഞു.