കോഴിക്കോട്: പറമ്പില്‍ കലാകൈരളി സംസ്‌കൃതി ഭവന്‍ ലയണ്‍സ് ക്ലബ് ഓഫ് കാലിക്കറ്റ് സഫയറിന്റെയും ലയണസ് ക്ലബ് ഓഫ് കാലിക്കറ്റ് സില്‍വര്‍ ഹില്‍സിന്റെയും സഹകരണത്തോടെ ഉന്നത വിജയം നേടിയ വിദ്യാര്‍ഥികളെ അനുമോദിച്ചു. ചടങ്ങില്‍ പഠനോപകരണ വിതരണവും ലഹരി വിരുദ്ധ ആരോഗ്യ ബോധവല്‍ക്കരണവും നടന്നു.
പറമ്പില്‍ എ.എം.എല്‍.പി സ്‌കൂളില്‍ നടന്ന പരിപാടി കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് രമ്യാ ഹരിദാസ് ഉദ്ഘാടനം ചെയ്തു. അശ്‌റഫ് കുരുവട്ടൂര്‍ അധ്യക്ഷനായി. ബ്ലോക്ക് പഞ്ചായത്ത് അംഗം രതി തടത്തില്‍, എസ്.എസ്.എല്‍.സി പരീക്ഷയില്‍ ഉന്നത വിജയം നേടിയ സ്‌നേഹ, ഫാദിയ നസ്‌റിന്‍, ആര്‍ദ്ര ജയപ്രസാദ്, ഗോപിക എസ്. കുമാര്‍, മെഡിക്കല്‍ എന്‍ട്രന്‍സില്‍ 73-ാം റാങ്ക് നേടിയ തീര്‍ഥ ജയപ്രകാശ് എന്നിവര്‍ക്കുള്ള ഉപഹാരങ്ങള്‍ വിതരണം ചെയ്തു. പ്രസീത, വാര്‍ഡ് അംഗം സരിത കുന്നത്ത്, വി.പി പുരുഷോത്തമന്‍, എം. ജയപ്രസാദ്, റാണി ശ്രീജിത്ത് സംസാരിച്ചു.