അമ്പലപ്പുഴ: വിവാഹ വാഗ്ദാനം നല്‍കി പതിനേഴുകാരിയെ പീഡിപ്പിച്ച് ഗര്‍ഭിണിയാക്കിയ കേസില്‍ യുവാവ് അറസ്റ്റില്‍.
പുന്നപ്ര തെക്ക് പഞ്ചായത്ത് പതിനാറാം വാര്‍ഡില്‍ അറക്കല്‍ വീട്ടില്‍ ഉമ്മച്ചന്റെ മകന്‍ ബിനു (30) വിനെയാണ് പുന്നപ്ര എസ്.ഐ. ഇ.ഡി ബിജുവിന്റെ നേതൃത്വത്തിലുള്ള പൊലിസ് സംഘം അറസ്റ്റ് ചെയ്തത്. വിവാഹം ചെയ്തുകൊള്ളാമെന്ന് വാഗ്ദാനം നല്‍കി നിരവധി തവണ പീഡനത്തിന് ഇരയായ പെണ്‍കുട്ടി പിന്നീട് ഗര്‍ഭിണിയാകുകയും ചെയ്തു.
താന്‍ ഗര്‍ഭിണിയാണെന്ന് യുവതി യുവാവിനെ അറിയിച്ചങ്കിലും ഇയാള്‍ ഒഴിഞ്ഞുമാറുകയായിരുന്നു. തുടര്‍ന്നാണ് പെണ്‍കുട്ടി പുന്നപ്ര പൊലിസില്‍ പരാതി നല്‍കിയത്. സീനിയര്‍ സിവില്‍ പൊലിസ് ഓഫിസര്‍മാരായ അഗസ്റ്റിന്‍, സജീവ്, പ്രതീപ് എന്നിവരും പൊലിസ് സംഘത്തില്‍ ഉണ്ടായിരുന്നു.