തുറവൂര്‍: കുമ്പളങ്ങി യില്‍ നിന്നും രാവിലെ 7 .10 ന് ആലപ്പുഴയില്‍ പുറപ്പെട്ടിരുന്ന കെ.എസ്.ആര്‍.ടി.സി ബസ് സര്‍വീസ് നിര്‍ത്തലാക്കിയതോടെ യാത്രക്കാര്‍ ദുരിതത്തിലായി.
തൊഴിലാളികള്‍, വിദ്യാര്‍ത്ഥികള്‍, സര്‍ക്കാര്‍ ഉദ്യോഗസ്ഥര്‍ ,സാധാരണക്കാര്‍ ഉള്‍പ്പെടെ നൂറ് ക്കണക്കിന് പേര്‍ ഇപ്പോള്‍ കൃത്യസമയത്ത് ബസില്ലാത്തതുമൂലം യാത്രക്കാര്‍ വിഷമിക്കുകയാണ്. കുമ്പളങ്ങി പാലം വഴി ചേര്‍ത്തലയ്ക്ക് സര്‍വീസ് നടത്തിയിരുന്ന കെ.എസ്.ആര്‍.ടി.സി ബസുകള്‍ പലതും മുടങ്ങിയതോടെ ജനങ്ങള്‍ക്ക് കൃത്യസമയത്ത് പല സ്ഥലങ്ങളിലും എത്തിച്ചേരാന്‍ കഴിയുന്നില്ല.
ജനകീയാവശ്യം പരിഗണിച്ച്കുമ്പളങ്ങിയില്‍ നിന്നും ആലപ്പുഴയ്ക്ക് കൂടുതല്‍ കെ.എസ്.ആര്‍.ടി.ബസുകള്‍ സര്‍വീസ് നടത്താന്‍ തയ്യാറാകണമെന്നാണ് യാത്രക്കാരുടെ ആവശ്യം.