കോപ്പ ശതാബ്ദി ഫൈനല്‍ തോല്‍വിക്കു പിന്നാലെ ഹാവിയര്‍ മഷറാനോ, കുന്‍ അഗ്യെറോ എന്നീ അര്‍ജന്റീന താരങ്ങളും രാജ്യന്തര ഫുട്‌ബോളില്‍ നിന്നു വിരമിച്ചു. ലയണല്‍ മെസ്സി വിരമിച്ചതായി പ്രഖ്യാപിച്ചതിനു പിന്നാലെയാണ് ഇരു താരങ്ങളും തങ്ങളും അര്‍ജന്റൈന്‍ ജേഴ്‌സി ഉപേക്ഷിക്കുന്നതായി വെളിപ്പെടുത്തിയത്. ബാഴ്‌സലോണയില്‍ മെസ്സിയുടെ സഹ താരമായ മഷറാനോ 129 മത്സരങ്ങളില്‍ അര്‍ജന്റീനയ്ക്കായി കളത്തിലിറങ്ങി. മൂന്നു ഗോളുകള്‍ നേടി. 76 മത്സരങ്ങളാണ് അര്‍ജന്റീനയ്ക്കായി അഗ്യെറോ കളിച്ചത്. 33 ഗോളുകളും താരം നേടി. മാഞ്ചസ്റ്റര്‍ സിറ്റി താരമായ അഗ്യെറോ ഫുട്‌ബോള്‍ ഇതിഹാസം ഡീഗോ മറഡോണയുടെ മകളുടെ ഭര്‍ത്താവാണ്.