മലപ്പുറം: ഉപതെരഞ്ഞെടുപ്പില്‍ യു.ഡി.എഫിന്റെ പ്രചാരണ പ്രവര്‍ത്തനങ്ങള്‍ക്കു നേതൃത്വം നല്‍കാന്‍ എം.എല്‍.എമാരും മുന്‍ എം.എല്‍.എമാരും ഉള്‍പ്പടെയുള്ള പ്രമുഖര്‍. പഞ്ചായത്ത്, മുനിസിപ്പല്‍ തലങ്ങളില്‍ മേല്‍നോട്ടം വഹിക്കുന്നതിനും ഏകോപിപ്പിക്കുന്നതിനുമാണ് ഇവര്‍ക്കു ചുമതല നല്‍കിയിട്ടുള്ളത്. ഇവര്‍ ഇന്ന് അതാതു സ്ഥലങ്ങളില്‍ നേരിട്ടെത്തും.
കോണ്‍ഗ്രസ് എം.എല്‍.എമാരായ ഹൈബി ഈഡന്‍, ഷാഫി പറമ്പില്‍, വി.എസ് ശിവകുമാര്‍, വി.ടി ബല്‍റാം, കെ.എസ് ശബരീനാഥന്‍, പി.ടി തോമസ്, റോജി എം. ജോണ്‍, ലീഗ് എം.എല്‍.എമാരായ അഡ്വ. എന്‍. ശംസുദ്ദീന്‍, എന്‍.എ നെല്ലിക്കുന്ന്, സി. മമ്മുട്ടി, പി.കെ ബഷീര്‍, പാറക്കല്‍ അബ്ദുല്ല, കെ.എം ഷാജി, ഇബ്രാഹിംകുഞ്ഞ് എന്നിവര്‍ക്കുമാണ് വിവിധ പഞ്ചായത്തുകളിലും നഗരസഭകളിലും ചുമതല നല്‍കിയിട്ടുള്ളത്.