ബാലരാമപുരം: വൈവിധ്യങ്ങളുടെ കലവറയായി വിനോദത്തിലൂടെ വിജ്ഞാനം പങ്കുവച്ച് അക്ഷരത്തുമ്പികള്‍ കുട്ടികളുടെ അവധിക്കാല ക്യാംപിന് ബാലരാമപുരത്തിന് സമീപം വടക്കേവിളയില്‍ പ്രകൃതി സംരക്ഷണത്തിനും പ്രാമുഖ്യം നല്‍കിയാണ് ദേവി കമ്മ്യൂനിക്കേഷന്‍സിന്റെ ആഭിമുഖ്യത്തില്‍ സ്‌കൂള്‍ കുട്ടികള്‍ക്കായുള്ള അവധിക്കാല ക്യാംപ് നടക്കുന്നത്. ഏപ്രില്‍ രണ്ടിന് ആരംഭിച്ച ക്യാംപ് ഈ മാസം അവസാനം വരെയാണ് നടക്കുക.
പരിസ്ഥിതി പരിപാലന പാഠങ്ങള്‍ നെഞ്ചേറ്റിയ കുരുന്നുകള്‍ കഴിഞ്ഞദിവസം കാംപസില്‍ വൃക്ഷത്തൈകള്‍ നട്ടുപിടിപ്പിച്ചു. സിനിമ, നാടകം, നാടന്‍പാട്ട്, സംഗീതം, നൃത്തം, ഭാഷ, സാഹിത്യം, പൊതുവിജ്ഞാനം, വ്യക്തിവികാസം, ആരോഗം എന്നിങ്ങനെ വിവിധ മേഖലകളിലെ നിരവധി അതിഥികള്‍ ക്യാംപില്‍ കുട്ടികളുമായി സംവദിച്ചു.
തിരുവനന്തപുരം ജില്ലയിലെ വിവിധ സ്‌കൂളുകളില്‍ നിന്നായി അറുപതോളം കുട്ടികള്‍ ക്യാംപില്‍ പങ്കെടുക്കുന്നു.
പ്രശാന്ത് കേരളീയമാണ് ക്യാംപ് ഡയറക്ടര്‍. ബീന പ്രശാന്ത്, ഗീതു, വിധു എന്നിവരാണ് ക്യാംപിന് നേതൃത്വം നല്‍കുന്നത്. വിവിധ രംഗങ്ങളില്‍നിന്നുള്ള വിദഗ്ധര്‍ ക്യാംപില്‍ കുട്ടികള്‍ക്ക് പരിശീലനം നല്‍കുന്നു.