ന്യൂഡല്‍ഹി: വ്യവസായ നിര്‍മാണ മേഖലകളിലെ ശാസ്ത്രീയ പുരോഗതിക്കും ക്ഷേമത്തിനും വേണ്ടി പ്രവര്‍ത്തിക്കുന്ന ഇന്ത്യന്‍ അച്ചീവേഴ്‌സ് ഫോറം ഏര്‍പ്പെടുത്തിയ ലൈഫ് ടൈം അച്ചീവ്‌മെന്റ് അവാര്‍ഡ് കോഴിക്കോട് ആസ്ഥാനമായ എം.വി.കെ. എന്റര്‍പ്രൈസസ് മാനേജിങ് പാര്‍ട്ട്ണറും ഇന്‍ഡോ അറബ് കോണ്‍ഫെഡറേഷന്‍ കൗണ്‍സില്‍ ഓള്‍ ഇന്ത്യാ പ്രസിഡന്റും ജീവ കാരുണ്യ പ്രവര്‍ത്തകനുമായ എം.വി. കുഞ്ഞാമുവിന് സമ്മാനിച്ചു. ന്യൂഡല്‍ഹി ജകറാന്താ ഹാളില്‍ സംഘടിപ്പിച്ച അന്താരാഷ്ട്ര സമ്മേളനത്തില്‍ സുനില്‍കുമാര്‍ എം.പിയാണ് അവാര്‍ഡ് സമ്മാനിച്ചത്.
ഇന്ത്യന്‍ അച്ചീവേഴ്‌സ് ഫോറം ചീഫ് പേട്രന്‍ സുനില്‍ ശാസ്ത്രി എക്‌സിക്യൂട്ടിവ് ഡയറക്ടര്‍ ഹരീഷ് ചന്ദ്ര എന്നിവര്‍ പങ്കെടുത്തു.