ആലപ്പുഴ: യുവകലാസാഹിതി സംസ്ഥാനതലത്തില്‍ ഏര്‍പ്പെടുത്തിയ പ്രഥമ വയലാര്‍ രാമവര്‍മ കവിതാ പുരസ്‌കാരം ആര്യാ ഗോപിക്ക്. 11,111 രൂപയും പ്രശസ്തി പത്രവും ഫലകവും അടങ്ങിയതാണ് പുരസ്‌കാരം. വയലാറിന്റെ മകന്‍ ശരത്ചന്ദ്രവര്‍മ അധ്യക്ഷനായ സമിതിയാണ് ആര്യയുടെ 'പകലാണിവള്‍' എന്ന കാവ്യസമാഹാരം തിരഞ്ഞെടുത്തത്. ഫാത്തിമ സലീമിന്റെ 'കാണാത്തമഴ' എന്ന കവിതാസമാഹാരം പ്രത്യേക ജൂറി അവാര്‍ഡിന് അര്‍ഹമായി.
മാര്‍ച്ച് 30ന് ചേര്‍ത്തല വയലാറിലെ രാഘവപറമ്പില്‍ നടക്കുന്ന നവതി ആഘോഷവേളയില്‍ അവാര്‍ഡ് സമ്മാനിക്കും. വാര്‍ത്താസമ്മേളനത്തില്‍ വയലാര്‍ ശരത്ചന്ദ്രവര്‍മ, രാജന്‍ കൈലാസ്, അസീഫ് റഹിം, പി. എസ് ഹരിദാസ് പങ്കെടുത്തു.