ചാരുംമൂട്: കേരള സ്റ്റേറ്റ് പെന്‍ഷനേഴ്‌സ് യൂനിയന്‍ ഭരണിക്കാവ് ബ്ലോക്ക്തല രജത ജൂബിലി സമ്മേളനത്തിനു് താമരക്കുളം തമ്പുരാന്‍ ഓഡിറ്റോറിയത്തില്‍ തുടക്കമായി.മൂന്നു ദിവസമായി നടക്കുന്ന സമ്മേളനം 25 ന് സമാപിക്കും.
ഇന്നലെ രാവിലെ യൂനിയന്‍ അംഗങ്ങളുടെ കലാകായിക  രചനാ മത്സരങ്ങള്‍ ബ്ലോക്ക് കമ്മറ്റി പ്രസിഡന്റ് എം.ജോഷ്വാ ഉദ്ഘാടനം ചെയ്തു.പി.അരവിന്ദാക്ഷന്‍ പിള്ള അധ്യക്ഷത വഹിച്ചു.
വി.എം മുസ്തഫാ റാവുത്തര്‍, കെ.ജി.മാധവന്‍ പിള്ള, വി.ശിവന്‍പിള്ള, സി.കെ.ബാലകൃഷ്ണന്‍ നായര്‍,എന്‍.പുരുഷന്‍, ആര്‍.പത്മാധരന്‍ നായര്‍ തുടങ്ങിയവര്‍ പ്രസംഗിച്ചു.
25 ന് രാവിലെ 10ന് ആര്‍.രാജേഷ് എം.എല്‍.എ രജത ജൂബിലി സമ്മേളനം ഉദ്ഘാടനം ചെയ്യും.സംസ്ഥാന ജനറല്‍ സെക്രട്ടറി ആര്‍.രഘുനാഥന്‍ നായര്‍ മുന്‍കാല നേതാക്കളെ ആദരിക്കും.