തിരൂര്‍: : പ്രകൃതിയുടെ ആസന്നമായ നാശത്തെ പുതുതലമുറയ്ക്ക് മുന്നിലേക്ക് ഓര്‍മപ്പെടുത്തലായി എത്തിക്കാന്‍ അന്താരാഷ്ട്ര ജലദിനത്തില്‍ നിളയില്‍ നൂറൂപട്ടങ്ങള്‍ പറത്തി.  അന്താരാഷ്ട്ര ജലദിനത്തില്‍ പരിസ്ഥിതി സംഘടനയായ റീ-എക്കോയും വണ്‍ ഇന്ത്യ കൈറ്റും ജെ.സി.ഐ. കുറ്റിപ്പുറം ചാപ്റ്ററും ചേര്‍ന്നാണ്  നിളയുടെ സംരക്ഷണവും ജലസംരക്ഷണവും എന്ന സന്ദേശമുയര്‍ത്തി പട്ടങ്ങള്‍ പറത്തിയത്.
ഇതിന് പുറമേ ബോധവല്‍കരണ കൂട്ടായ്മയും സംഘടിപ്പിച്ചു. നിളാ പാര്‍ക്ക് പരിസരത്ത് വാട്ടര്‍ മാനേജ്‌മെന്റ് സ്‌പെഷലിസ്റ്റ് മാധവന്‍ നമ്പൂതിരി ഉദ്ഘാടനം ചെയ്തു. റീ-എക്കോ പ്രസിഡന്റ് സതീശന്‍ കളിച്ചാത്ത് അധ്യക്ഷനായി. പരിസ്ഥിതി പ്രവര്‍ത്തകന്‍ സി രാജഗോപാല്‍ വിഷയം അവതരിപ്പിച്ചു. കുറ്റിപ്പുറം  പഞ്ചായത്ത് വൈസ് പ്രസിഡന്റ് മോഹനന്‍, കെ.ടി സിദ്ദീഖ്, കല്ലന്‍ ഉസ്മാന്‍, പി.കെ അബൂബക്കര്‍ മൗലവി, ടി.കെ അലവി കുട്ടി, ജയ്‌സ് ജോണ്‍, അഷ്‌റഫ് രാങ്ങാട്ടൂര്‍ തുടങ്ങിയവര്‍ സംസാരിച്ചു. കൈറ്റ് ഇന്ത്യ ടീംസ് പ്രസിഡന്റും കൈറ്റ് ഇന്ത്യ നാഷനല്‍ താരങ്ങളുമായ അബ്ദുല്ല മാളിയേക്കല്‍, മുസ്തഫ, ഖാസിം  തുടങ്ങിയവരും കടകശ്ശേരി ഐഡിയല്‍ സ്‌കൂള്‍ സ്‌കൗട്ട് ആന്‍ഡ് ഗൈഡ്‌സും പട്ടം പറപ്പിക്കലിന് നേതൃത്വം നല്‍കി.