തെഹ്‌റാന്‍: അന്താരാഷ്ട്ര ആണവ കരാറിനെ സംരക്ഷിക്കാന്‍ യൂറോപ്യന്‍ രാജ്യങ്ങള്‍ രംഗത്തെത്തണമെന്ന് ഇറാന്‍. ആണവ കരാറില്‍നിന്ന് പിന്മാറിയ അമേരിക്ക ഇറാനെതിരേ കടുത്ത ഉപരോധം ഏര്‍പ്പെടുത്തുമെന്ന് കഴിഞ്ഞ ദിവസം അറിയിച്ചിരുന്നു. ഇതിനു പിറകെയാണ് മുതിര്‍ന്ന ഇറാന്‍ സൈനികവൃത്തങ്ങളുടെ പ്രതികരണം പുറത്തുവന്നത്. അമേരിക്കയുടെ സാമ്പത്തിക നിയന്ത്രണത്തില്‍നിന്നു രക്ഷപ്പെടുക മാത്രമാണ് തങ്ങള്‍ക്കു പരമാവധി ചെയ്യാനാകുകയെന്ന് കഴിഞ്ഞ ദിവസം ജര്‍മനി പ്രതികരിക്കുകയും ചെയ്തിരുന്നു.