പാലക്കാട്: മെഡിക്കല്‍, എഞ്ചിനീയറിങ്ങ് പ്രവേശന പരീക്ഷക്ക് ഒന്നാം വര്‍ഷ ഹയര്‍ സെക്കന്ററി വിദ്യാര്‍ത്ഥികള്‍ക്ക് വേണ്ടി രണ്ട് വര്‍ഷത്തെ സൗജന്യ വാരാന്ത്യ അവധിദിന പരിശീലനം കുഴല്‍മന്ദം ചന്തപുരയിലുള്ള ഗവണ്‍മെന്റ് പ്രീ-എക്‌സാമിനേഷന്‍ ട്രെയിനിങ്ങ് സെന്ററില്‍ ആരംഭിക്കുന്നു, പ്ലസ് വണ്ണിന് പഠിച്ചുകൊണ്ടിരിക്കുന്നപട്ടിക ജാതി, പട്ടിക വര്‍ഗ്ഗ, ഒ.ബി.സി വിഭാഗക്കാര്‍ക്ക് അപേക്ഷിക്കാം. ഒ.ബി.സി വിഭാഗത്തില്‍ ഒരു ലക്ഷം രൂപയില്‍ താഴെ വാര്‍ഷിക വരുമാനമുള്ളവര്‍ മാത്രം അപേക്ഷിച്ചാല്‍ മതി. താല്‍പര്യമുള്ളവര്‍ ജാതി, വരുമാന സര്‍ട്ടിഫിക്കറ്റ് (ഒ.ബി.സി വിഭാഗക്കാര്‍ക്ക് മാത്രം) എന്നിവയുടെ സ്വയം സാക്ഷ്യപ്പെടുത്തിയ പകര്‍പ്പുകളും, സ്ഥാപന മേധാവി സാക്ഷ്യപ്പെടുത്തിയ എസ്.എസ്.എല്‍.സി സര്‍ട്ടിഫിക്കറ്റിന്റെ പകര്‍പ്പും പാസ്‌പോര്‍ട്ട് സൈസ് ഫോട്ടോയും, സ്ഥാപനമേധാവിയുടെ സാക്ഷ്യപത്രവും സഹിതം ജൂലൈ 12നകം അപേക്ഷ സമര്‍പ്പിക്കണം. അപേക്ഷയുടെ മാതൃക, ജില്ലാബ്ലോക്ക് മുനിസിപ്പല്‍ പട്ടികജാതി വികസന ഓഫീസുകളില്‍ നിന്നോ, അതാതു സ്ഥാപനങ്ങളില്‍ നിന്നോ ലഭിക്കും. വിശദവിവരങ്ങള്‍ക്ക് ഫോണ്‍ : 04922 273777