പോരാട്ടത്തിന്റെയും കണ്ണീരിന്റെയും നാള്‍വഴികള്‍ കടന്ന് തെരഞ്ഞെടുപ്പ് ഗോദയില്‍ ബി.ജെ.പിയെ മലര്‍ത്തിയടിച്ച് വിനേഷ് ഫോഗട്ട്. ജുലാന മണ്ഡലത്തില്‍ കോണ്‍ഗ്രസ് സ്ഥാനാര്‍ഥിയായിട്ടാണ് ഫോഗട്ട് ജനവിധി തേടിയത്. 6140 വോട്ടിനാണ് ബി.ജെ.പിയുടെ യുവനേതാവ് ക്യാപ്റ്റന്‍ യോഗേഷ് ബൈരാഗിയെ പരാജയപ്പെടുത്തിയത്.  

പാരീസ് ഒളിമ്പിക്‌സില്‍ ഫൈനലിലെത്തിയ വിനേഷ് ഫോഗട്ട് ഭാരക്കൂടുതലിനെ തുടര്‍ന്ന് അയോഗ്യയാക്കപ്പെട്ടിരുന്നു. പിന്നീട് രാജിവച്ച് കോണ്‍ഗ്രസില്‍ ചേരുകയായിരുന്നു. വിനേഷിനൊപ്പം കോണ്‍ഗ്രസില്‍ ചേര്‍ന്ന ബജരംഗ് പൂനിയയെ കിസാന്‍ കോണ്‍ഗ്രസിന്റെ ദേശീയ വര്‍ക്കിങ് പ്രസിഡന്റ് ആക്കിയിരുന്നു.