തിരുവനന്തപുരം: പി.വിജയന്‍ ഐ.പി.എസിനെ ഇന്റലിജന്‍സ് എ.ഡി.ജി.പിയായി നിയമിച്ചു. മനോജ് എബ്രഹാം ക്രമസമാധാന ചുമതലയുള്ള എ.ഡി.ജി.പിയായി മാറിയ ഒഴിവിലേക്കാണ് നിയമനം. നിലവില്‍ കേരള പൊലീസ് അക്കാദമി ഡയറക്ടര്‍ ആയിരുന്നു വിജയന്‍.

എലത്തൂര്‍ ട്രെയിന്‍ തീവെയ്പ്പ് കേസില്‍ പി.വിജയനെതിരെ അജിത് കുമാര്‍ നല്‍കിയ റിപ്പോര്‍ട്ടിന്‍െ അടിസ്ഥാനത്തില്‍ സസ്‌പെന്‍ഡ് ചെയ്തിരുന്നു. സസ്‌പെന്‍ഷന്‍ പിന്‍വലിച്ചതിന് പിന്നാലെയാണ് പി.വിജയന് എ.ഡി.ജി.പിയായി സ്ഥാനക്കയറ്റം നല്‍കിയത്. സ്ഥാനമാറ്റം വന്നതോടെ ഐ.ജി എ.അക്ബറിന് അക്കാദമി ഡയറക്ടറുടെ അധികച്ചുമതല നല്‍കി.