ദുബൈ:പൊലിസ് ട്രാഫിക് ജനറൽ ഡിപ്പാർട്‌മെന്റിന്റെ നേതൃത്വത്തിൽ നായിഫ് പൊലിസ് സ്റ്റേഷൻ, പോസിറ്റിവ് സ്പിരിറ്റ് കൗൺസിൽ എന്നിവയുടെ സഹകരണത്തോടെ ഇ സ്കൂട്ടർ ഉപഭോക്താക്കൾക്ക് ബോധവൽക്കരണം നടത്തി. ഗതാഗത നിയമം, റോഡ് സുരക്ഷ, ഇ സ്കൂട്ടറുകൾക്ക് പോകാൻ അനുമതിയുള്ള വഴികൾ എന്നിവയെക്കുറിച്ചാണ് ബോധവൽക്കരണം നടത്തിയത്. 

പരിപാടിയിൽ പങ്കെടുത്തവർ പൊലിസിന്റെ നിർദേശാനുസരണം ബനിയാസ് സ്ട്രീറ്റ് വഴി സഞ്ചരിച്ചു. ഇ സ്കൂട്ടർ ഓടിക്കുന്നവർ ഹെൽമറ്റ് ധരിക്കണമെന്നും ഇ സ്കൂട്ടറിന്റെ മുൻ വശത്ത് തിളക്കമുള്ള വെള്ള ലൈറ്റുകളും പിൻവശത്ത് തിളക്കമുള്ള ചുവന്ന ലൈറ്റുകളും സ്ഥാപിക്കണമെന്നും നായിഫ് പൊലിസ് സ്റ്റേഷൻ ആക്ടിങ് ഡയരക്ടർ ബ്രിഗേഡിയർ ഉമർ അഷർ മുസ വ്യക്തമാക്കി. ബ്രേക്ക് പരിശോധിക്കണമെന്നും അദ്ദേഹം ആവശ്യപ്പെട്ടു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക