ദുബൈ: ഗ്ലോബൽ വില്ലേജ് സീസൺ 29, ഒക്ടോബർ 16 ബുധനാഴ്ച്ച ആരംഭിക്കും. ഇത്തവണ ഗ്ലോബൽ വില്ലേജിൽ ഒരു റെസ്റ്റോറൻ്റ് പ്ലാസയും മൂന്ന് പുതിയ പവലിയനുകളും ആകർഷകമായിരിക്കും. റെയിൽവേ മാർക്കറ്റ്, ഫ്ലോട്ടിംഗ് മാർക്കറ്റ്, ഫിയസ്റ്റ സ്ട്രീറ്റ്എന്നിവയാണ് പുതിയ പവലിയനുകൾ. ഇൻസ്റ്റാഗ്രാമബിൾ നിമിഷങ്ങൾ പകർത്താനുള്ള ഇടം റെസ്റ്റോറന്റ് പ്ലാസയിൽ ഉണ്ടാകും. റെസ്റ്റോറന്റ് പ്ലാസയിൽ രണ്ട് നിലകളുള്ള 11 റെസ്റ്റോറൻ്റുകൾ ഒരുക്കും. അവ ഓരോന്നും ഗ്ലോബൽ വില്ലേജിൻ്റെ മനോഹരമായ കാഴ്ചകൾ നൽകുന്നു.

മൂന്ന് പുതിയ കൂട്ടിച്ചേർക്കലുകൾ വഴി ഗ്ലോബൽ വില്ലേജിന്റെ പവലിയനുകളുടെ എണ്ണം 30 ആയി ഉയർന്നു. 90-ലധികം സംസ്കാരങ്ങളെ ഉൾക്കൊള്ളുന്നതാണ് പവലിയനുകൾ. രാജ്യങ്ങളുടെ സമ്പന്നമായ പൈതൃകത്തെ പ്രതിനിധീകരിക്കുന്ന ആധികാരിക വസ്തുക്കൾ വിൽക്കുന്ന സ്റ്റാളുകളും ഷോപ്പിംഗ് ഔട്‌ലെറ്റുകളുമുള്ള സവിശേഷമായ തീം മുഖങ്ങൾ ഓരോ പവലിയനിലും അവതരിപ്പിക്കുന്നു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക