ഗുരുവായൂര്‍: വില്ല കേന്ദ്രീകരിച്ച് നടന്നു വന്നിരുന്ന പെണ്‍വാണിഭ സംഘത്തില്‍ ഒരു സ്ത്രീയടക്കം മൂന്നു പേരെ ഗുരുവായൂരില്‍ പൊലിസ് അറസ്റ്റുചെയ്തു. പാലക്കാട് ചൊളോട് പുത്തന്‍പുരക്കല്‍ സതീഷ്‌കുമാര്‍(47),ചാവക്കാട്് തിരുവത്ര കൂര്‍ക്കപ്പറമ്പില്‍ ബാബു(42)പത്തനംതിട്ട മേപ്രത്ത്് റീന(40) എന്നിവരാണ്് അറസ്റ്റിലായത്്. പുത്തമ്പല്ലിയിലുള്ള വില്ലയില്‍ അനാശാസ്യം നടക്കുന്നുവെന്ന രഹസ്യ സൂചനയെ തുടര്‍ന്ന്് വ്യാഴാഴ്ച രാവിലെ സി.ഐ.മാരായ എന്‍.രാജേഷ്,ഇ.ബാലകൃഷ്ണന്‍,സീനിയര്‍ സിവില്‍ പൊലിസ് ഓഫിസര്‍മാരായ അനില്‍കുമാര്‍,പി.ബസന്ത്് എന്നിവരുടെ നേതൃത്വത്തിലുള്ള സംഘമാണ് റെയ്ഡിനെത്തിയത്്. ഇന്റലിജന്‍സ്് വിഭാഗം ഉദ്യോഗസ്ഥരും എത്തിയിരുന്നു.
വില്ല വാടകക്കെടുത്താണ് പ്രതികള്‍ അനാശാസ്യം നടത്തി വന്നിരുന്നത്. മൂന്നുപേരേയും കസ്റ്റഡയിലെടുത്ത് വിശദമായി ചോദ്യം ചെയ്തശേഷം ഉച്ചതിരിഞ്ഞാണ് അറസ്റ്റ് രേഖപ്പെടുത്തിയത്. ഒരാഴ്ചയായി വില്ലയില്‍ രാത്രിയില്‍ അനാശാസ്യം നടക്കുന്നതായാണ് വിവരം ലഭിച്ചതെന്ന് പൊലിസ് അറിയിച്ചു. രാത്രി വളരെ വൈകിയ സമയങ്ങളിലും വാഹനങ്ങള്‍ വന്നുപോകാറുണ്ടെന്ന് പറയുന്നു. ഇവിടെ പത്തോളം വില്ലകളുണ്ട്. പലതിലും ആള്‍താമസമില്ല.