മാന്നാര്‍:കഴിഞ്ഞ ദിവസം സമാധിയായ ചെറുകോല്‍ ശുഭാനന്ദാശ്രമത്തിലെ മഠാധിപതി സദാനന്ദസിദ്ധ ഗുരുദേവ തിരുവടികളുടെ സമാധിയിരുത്തല്‍ ഇന്ന് നടക്കും.
ഉച്ചകഴിഞ്ഞ് മൂന്നിന് പ്രത്യേകം തയ്യാറാക്കിയ മണ്ഡപത്തിലാണ് സമാധിയിരുത്തല്‍ ചടങ്ങുകള്‍ നടത്തുക. രാവിലെ മുതല്‍ പ്രത്യേക പ്രാര്‍ത്ഥനകളും മറ്റും ശുഭാനന്ദാശ്രമത്തില്‍ നടക്കും.
ഉച്ചയോടെ സമാധിയിരുത്തല്‍ ചടങ്ങുകള്‍ക്കുള്ള പ്രാര്‍ത്ഥനകളും പൂജകളും നിയുക്ത മഠാധിപതി സ്വാമി ദേവാനന്ദയുടെ കാര്‍മ്മികത്വത്തില്‍ നടക്കും. ശുഭാനന്ദ മഠത്തില്‍ പൊതു ദര്‍ശനത്തിന് വച്ചിരിക്കുന്ന ഗുരുദേവന്റെ ഭൗതീകശരീരം മൂന്ന് മണിയോടെ സമാധി മണ്ഡപത്തിലേക്ക് എടുക്കും.
പ്രത്യേകം തയ്യാറാക്കിയ മഠണ്ഡപത്തില്‍ സമാധിയില്‍ ഇരുത്തുന്ന സ്വാമിയെ അഷ്ഠദ്യവ്യങ്ങള്‍ കൊണ്ട് പൊതിയും. തുടര്‍ന്ന് നടക്കുന്ന പ്രത്യേക പൂജകളോടെ സമാധിയിരുത്തല്‍ ചടങ്ങുകള്‍ സമാപിക്കും.
ബുധനാഴ്ച പുലര്‍ച്ചെ 1.22-ന് കണ്ടിയൂരിലെ സ്വകാര്യ ആശുപത്രിയിലായിരുന്നു അന്ത്യം. മഠാധിപതിയും ശ്രീശുഭാനന്ദ ട്രസ്റ്റിന്റെ മാനേജിംഗ് ട്രസ്റ്റിയുമായിരുന്നു സദാനന്ദഗുരുദേവന്‍.